COSMOPOLITAN

მოდა პუტკუნა გოგონებისთვის

eko — Wed, 30 Jun 2010 12:10:02 +0000

ვიცი, ვიცი, რომ შენი პარამეტრები არათუ ძალიან შორს არის 90-60-90-
სგან, არამედ მედიუმი ზომაც დიდი ხანია სანატრელი გაქვს… ისიც ვიცი,
რომ მაღაზიაში შესვლაც კი არ გინდა, რადგან კონსულტანტი გოგონა
ამრეზით შემოგხედავს და ირონიულად გეტყვის, რომ “დიდი ზომები არ
აქვს” ან “ეს შენ არ მოგიხდება.”

მერე კი იწყება გაუთავებელი დიეტები, ზოგჯერ შიმშილი, უფრო ხშირად
ნერვიულობა, მაგრამ..…მაინც არაფერი გამოდის..

მოდი, ერთი წუთით დაივიწყე ყველაფერი: დიეტები, გამყიდველი გოგონა, პატარა ზომის ტანსაცმელი და ყურადღებით წაიკითხე ის, რასაც ახლაკოსმო გირჩევს ანუ

მოდა პუტკუნა გოგონებისთვის

შარვალი

მერე რა, რომ შენი მეგობრები ძალიან დაბალწელიან შარვლებს
ატარებენ და შენც ამასვე გირჩევენ?! მათი ხერხემალს აკრული
მუცელი ამას იტანს, მაგრამ შენი აღნაგობისთვის, არა მგონია,
ასეთი შარვალი იდეალური იყოს.

კოსმო გირჩევს, რომ უპირატესობა ე.წ. საშუალოწელიან, ტანზე
მომდგარ შარვალს მიანიჭო, ოღონდ ასეთ შარვალზე სასურველია,
გრძელი, ოდნავ ფართო ბლუზი ჩაიცვა. ასე მშვენივრად შენიღბავ
კილოგრამებს და თავდაჯერებულიც იქნები.

ქვედაბოლო

გრძელი და ფაშფაშა?

არავითარ შემთხვევაში! ასეთ ქვედაბოლოში სუპერმოდელიც კი ოდნავ
გაპუტკუნებული გამოჩნდება.
აი სულ სხვაა მიდი, წელში ნახევრად გამოყვანილი ქვედაბოლო.
გეთანხმები, ასეთი ტანსაცმელი შეიძლება ძალიან მოდური არ არის,
მაგრამ სამაგიეროდ კლასიკურ პიჯაკთან ერთად, მინიმუმ 5-6
კილოგრამს “მოგაპარინებს.”

ბლუზი

ვიცი, რომ მოტკეცილი ტოპები ძალიან მოგწონს, მაგრამ..
კოსმო გირჩევს, განიერი და კისრიდან დაშვებული ბლუზები ატარო. ჯერ
ერთი მოდურია და მეორეც: შენი სხეულის პრობლემური ნაწილები არცერთ
კეთილისმსურველს თვალში არ შეეჩხირება.…

cosmo-ამინდი

eko — Sun, 20 Jun 2010 16:30:36 +0000

მინდა გითხარა, თუ თვის ბოლომდე ვერ ახერხებ ზღვაზე წასვლას, შეგიძლია მშვიდად იყო, რადგან სინოპტიკოსები მომავალი 7 დღის განმავლობაში არასტაბილურ ამინდს წინასწარმეტყველებენ.

ორშაბათი- ცვალებადი მოღრუბლულობა, მაღალი ტენიანობა- 54%. არანაირი დამატენიანებელი, მინიმალური კოსმეტიკა და ბევრი სითხე. იდეალური ამინდია საშოპინგოდ. მითუმეტეს ყველგან სეილი და საჩუქრები გელოდება.

სამშაბათი- მზიანი ამინდი და მაღალი ტემპერატურა. შეეცადე დღე აუზზე გაატარო. რაც შეგიძლია ბევრი იცურავე და ნაკლებად იყავი მზის ქვეშ. საღამოს,შეგიძლია მ მსუბუქი ნამზეურით თავი რომელიმე კაფის ღია ვერანდაზე ოიწონო.

ოთხშაბათი- მოღრუბლული ამინდია, საკმაოდ გრილა. ტემპერატურა 29 გრადუსია. არ ვიცი შენ გიყვარს თუ არა, მაგრამ მე ნამდვილად მიყვარს ასეთი ამინდი. მომბეზრდა ღია სარაფნებით სიარული, დღეს კი შემიძლია კოქტეილის კაბა ჩავიცვა და მსუბუქი მაკიაჟიც დავიდო.

ხუთშაბათი- სავარაუდოთ წვიმიანი დღე იქნება. დარწმუნებული ვარ, გარდერობში აუცილებლად მოგეძებნება: ფერადი ბოტი , მოკლე შორტი, აპლიკაციებიანი მაისური და რაც მთავარია, ლამაზი ქოლგა. ეს ყველაფერი კარგად მოირგე და სასეირნოდ გადი. დამიჯერე, წვიმაში იმდენი რომანტიკოსი დასეირნობს… მოკლედ, რა იცი რა ხდება…

პარასკევი-მზიანი დღე იქნება, მაგრამ არა პაპანაქება. საუკეთესო ამინდია სავარჯიშოდ, დღესაც სასიამოვნოდ გაატარებ და ზედმეტი კილოგრამებისგანაც გათავისუფლდები. ოღონდ არ დაგავიწყდეს ვარჯიშის დროს ბევრი სითხის მიღებაა საჭირო.

შაბათი - დღეს ძალიან ცხელი დღე იქნება, თბილისში ყოფნა ნამდვილად არ ღირს, კარგი იქნება მეგობრებთან ერთად ქალაქგარეთ პიკნიკს თუ მოაწყობ.

კვირა - პაპანაქება, 39 გრადუსი. დღის პირველი ნახევარი სახლიდან არც კი გახვიდე. კარგად გამოიძინე, მიირთვი ბევრი ხილი და ბოსტნეული, სახეზე გამაგრილებელი ნიღაბი დაიდე. საღამოს კი, დასვენებული, რომელიმე კლუბში მუსიკის მოსასმენად წადი.

ლინდსი ლოჰანი ვერ იტანს ლოს ანჯელესს

eko — Tue, 15 Jun 2010 13:12:09 +0000

ლინდსი ლოჰანს სურს გადავიდეს ლოს ანჯელესიდან. 23 წლის მსახიობი, რომელიც
გამუდმებით პოლიციის ზედამხედველობის ქვეშ იმყოფება,  ამბობს რომ ვეღარ ძლებს
ლოს ანჯელესში და უნდა ნიუ იორკში ან ლონდონში იცხოვროს. ის არ არის ბედნიერი
 და ბედნირების საპოვნელად სხვა ქალაქში აპირებს გადასვლას .

ფიტნეს კლუბში სადაც ლინდსი თავის 16 წლის დასთან ერთად დადიოდა თქვეს რომ ის
ხშირად ლაპარაკობდა იმის შესახებ თუ რამდენად ვეღ იტანდა ამ ქალაქს და მასში
მცხოვრებ ხალხს.

მსახიობის მეგობრები ძალიან ღელავენ და ამბობენ რომ ისინი ეძებენ ლინდსისთვის
კარგ ასისტენტს,  რადგან მას არ შეუძლია თავად გაუკეთოს ორგანიზება საქმეებს,
შეხვედრებს, გადაღებებს, ის კბილის ექიმთანაც კი ვერ მივა თავისით.

მსახიობს არ აქვს მანქანის ტარების უფლება. რადგან მას ჩამოართვეს მართვის
მოწმობა,  მანქანის ნასვამ მდგომარეობაში ტარების გამო, ამიტომ მათ მეგობრებს
უხდებათ მისი წაყვანა სადაც მოინდომებს.

ლინდსის ყოფილმა ასისტენტმა ელეონორამ დატოვა თავისი თანამდებობა სულ რაღაც
რამდენიმე თვეში, რადგან ვერ გაუმლკლავდა მოვალეობებს და 24 საათიან სამუშაო
რეჟიმს. ის ჯერ კიდევ იხდიდა ქირას თავის ბინაში მაგრამ ფაქტიურად სახლში დროს
ვეღარ ატარებდა, რადგან ლინდსისთან ცხოვრობდა. ელეონორა ვერ შეეგუა უფროსის
მოთხოვნებსა და ცვალებად ხასიათს,  მან თქვა რომ ლინდსის შეეძლო ყოფილიყო
ნამდვილი ბოსი მაგრამ როდესაც ის ვერ იღებდა ზუსტად იმას რაც უნდოდა   საერთოდ
არაფერს იხდიდა, ელეონორამ ვერ აიტანა ასეთ გრაფიკი და წავიდა.

ნაომი ვოთსი არ აპირებს დაქორწინებას

eko — Tue, 15 Jun 2010 06:44:44 +0000

44 წლის მსახიობი ნაომი ვოთსი არ თვლის, რომ ქორწინება მნიშვნელოვანია ქალის
ცხოვრებაში.  ის და ვილ შრაიბერი უკვე ოთხი წელია რაც დანიშნულები არიან, და
საერთო ორი შვილი ყავთ, ოთხი წლის ალექსანდრე და ორი წლის კაი, მაგრამ როგორც
ჩანს ისინი ურთიერთობის შემდეგ ეტაპზე გადასვლას არც გეგმავენ.

ნაომი ამბობს: "ვაპირებთ თუ არა დავქორწინდეთ? ვნახოთ,  ეს არ არის ძალიან
მნიშვნელოვანი ფაქტორი ჩემს ცხოვრებაში, მაგრამ თუ ეს აუცილებელი იქნა ჩვენი
შვილებისთვის და როდესაც ისინი წამოიზრდებიან მათ გვთხოვეს დაქორწინება,
 რათქმაუნდა არცერთი ჩვენგანი წინააღმდეგი არ იქნება."

კინგ-კონგის ვარსკვლავმა ასევე აღიარა რომ პირველივე შეხვედრიდან გაჩნდა
"რაღაც" მასსა და ვილს შორის. მაშინაც კი როდესაც ისინი ჯერ კიდევ ერთად არ
იყვნენ ის შინაგანად გრძნობდა,  რომ ერთ მშვენიერ დღეს მათი გზები სადმე მაინც
გადაიკვეთებოდნენ.

ჟურნალ  Marie Clair-ის ინტერვიუში მსახიობმა განაცხადა "სანამ ერთმანეთს
კარგად გავიცნობდით ხშირად ვხვდებოდით შემთხვევით სხვადასხვა წვეულებებზე თუ
დაჯილდოვებებეზე და ორივე ვგრძნობდით, რომ ჩვენს შორის რაღაც უხილავი
დამაკავშირებელი ძაფი წარმოიქმნა. ყოველთვის ისე ხდებოდა, რომ ნორმალურად
გამოლაპარაკების საშუალება არ გვეძლეოდა, ან ამის დრო არ გახლდათ, ან გარემო არ
იყო შესაფერისი რადგან ან მე ვხვდებოდი სხვას ან ის. შემდეგ დავმეგობრდით...
დიახ, ჩვენ მივეკუთვნებით იმ წყვილთა რიცხვს რომელმაც ურთიერთობა მეგობრობით
დაიწყო და მე მივესალმები ამ ფაქტს, რადგან ვფოქრობ, რომ მეგობრობა ურთიერთობის
საწყისია და ყველაზე მნიშვნელოვან ნაწილად რჩება. მე არ მჯერა პირველივე ნახვით
შეყვარების მაგრამ ჩვენს შორის რომ პირველივე ნახვით გაჩნდა  ერთმანეთის მიმართ
ლტოლვა ეს ფაქტია"

ვერძი

eko — Mon, 14 Jun 2010 13:52:02 +0000

(21 მარტი _ 20 აპრილი)

არაჩვეულებრივი დროა ახალი ინიციატივებისთვის.არ არის გამორიცხული ახალი სამსახური შემოგთავაზონ, შესაძლებელია აგრეთვე “ოცნების უფლისწულიც” გაიცნო. თუმცა კარგად დაფიქრდი, სანამ ახალი შეფის ან უფლისწულის წინადადებებს დათანხმდები. ხომ შეიძლება რომელიმე მათგანი (მაგალითად უფლისწული!) თაღლითი არ აღმოჩნდეს.

კურო

eko — Mon, 14 Jun 2010 13:50:07 +0000

(21 აპრილი _ 20 მაისი)

ენერგიის მოზღვავებას იგრძნობ, რომელიც ამაოდ არ უნდა დახარჯო. გაძლიერდება სწრაფვა სიახლეების, გამომგონებლობის მიმართ. თუმცა არ არის გამორიცხული რომ საქმის კეთებისას ხელი სიზარმაცემ ან რაიმე მაცდურმა წინადადებამ შეგიშალოს. ამიტომ კოსმო გირჩევს, რომ ამ კვირაში ცოტა ხნით გადადო პიკნიკები, პაემნები, წვეულებები და საკუთარ თავს ჩაუღრმავდე. ვინ იცის იქნებ შენი სახით ახალი კიური იბადება?!

ტყუპი

eko — Mon, 14 Jun 2010 13:48:25 +0000

(21 მაისი _ 21 ივნისი)

დროა დაივიწყო წარსული და მომავალზე იფიქრო, მით უმეტეს, რომ ამ კვირაში სერიოზული გადაწყვეტილების მიღება მოგიწევს. როგორც ვარსკვლავები ვარაუდობენ, არ არის გამორიცხული, რომ შენი პირადი ცხოვრება რადიკალურად შეიცვალოს და შეყვარებულმა სამუდამოდ მასთან გადაბარგება შემოგთავაზოს.

კირჩხიბი

eko — Mon, 14 Jun 2010 13:46:48 +0000

(22 ივნისი _ 22 ივლისი)

რაც უფრო აქტიური იქნები, მით უფრო დატვირთული და საინტერესო იქნება შენთვის ეს კვირა. თუმცა აქტიურობის გარდა, ამ კვირაში მოთმინების და რაციონალიზმის გამოჩენაც მოგიწევს, რადგან შესაძლოა სახლსა და სამსახურს შორის “გახლეჩა” მოგიხდეს თუმცა თუ დროს სწორად გაანაწილებ, უკმაყოფილოები არც ოჯახის წევრები დაგრჩებიან და არც თანამშრომლები.

ლომი

eko — Mon, 14 Jun 2010 13:44:24 +0000

(23 ივლისი _ 23 აგვისტო)

მშვენიერი კვირაა.. განსაკუთრებით წარმატებული მათთვის, ვინც ბიზნესის დაწყებას ან მის გაფართოებას აპირებს. ასე რომ, თუ რომელიმე თქვენთაგანი ძალიან გამდიდრდება, გთხოვთ რაიმე ფორმით აუცილებლად შეგვატყობინეთ!!!!!

ქალწული

eko — Mon, 14 Jun 2010 13:42:29 +0000

(24 აგვისტო _ 23 სექტემბერი)

ცოტა იფიქრე და მეტი იმოქმედე! შეგიძლიათ წახვიდეთ ვა-ბანკზე, ოღონდ ზომიერების და გონიერების ფარგლებში. წინააღმდეგ შემთხვევაში, ვერც ვარსკვლავები და ვერც კოსმო ვერაფერს გიშველის.